Takimi i Shoqatës së ndërmarrjeve që mirren me riciklimin dhe qarkullimin e....

Prishtinë, 9 Dhjetor 2009: Në hapsirat e OEK-ut u mbajt takimi i Shoqatës së ndërmarrjeve që mirren me riciklimin dhe qarkullimin e hedhurinave metalike dhe jometalike.
Mbledhja u kryesua nga: z. Besim Mehmeti, Astrit Shabani dhe Mehdi Aliu.
Mbledhjen e hapi dhe e kryesoi Z.Ujup Krasniqi  i cili propozoi këtë rend dite:
1. Procesverbali nga mbledhja e kaluar,
2. Statuti i Shoqatës
3. Zgjedhja e kryesisë së punës
a) Këshilli Drejtues i Shoqatës,
b) Kryetari dhe Nënkryetari
4. Të ndryshme.

Në fjalën hyrëse z. Krasniqi foli për aktivitetet e kësaj shoqate gjatë këtyre dy viteve. Ndër të tjera tha se në bashkëpunim me organet e OEK-ut këtë shoqatë t`a fusim në mesin e shoqatave më të forta.

Në këtë takim me shumicë votash kryetar u rizgjodh z. Ujup Krasniqi , kurse u zgjodhën dy nënkryetar z. Astrit Shabani dhe Mehdi Aliu.

U zgjodh grupi profesional i cili do të punoj për interesat e shoqatës dhe do të kontribojë në ngritjen e cilësisë së kesaj shoqate.