Kryetari i Odës Ekonomike të Kosovës, z. Lulzim Rafuna, vizitoi Ambasaden e Kosovës në Katar ku u prit nga Ambasadori z. Fuad Morina.

Gjatë takimit u diskutuan mundësitë që ofron Kosova, qasjen që duhet të ketë dhe interesin që kanë bizneset nga Katari për të investuar. Në diskutim e sipër, pati një pajtueshmëri të dyanshme se me shkëmbimin e informatave dhe me një bashkëpunim profesional, mund të ndikojmë që të sjellim biznese për të investuar në Kosovë dhe përkrahjen e bizneseve kosovare për të gjetur partnerë të ndryshëm në Katar.

Oda Ekonomike e Kosovës mbetet e përkushtuar në mbështetjen e biznesit dhe tërheqjen e investimeve ndërkombëtare, duke ofruar gjithë kapacitetin e saj për promovimin e një mjedisi të favorshëm për investitorët nga Katari dhe më gjerë.