Oda Ekonomike e Kosovës e vlerëson përpjekjet për zgjidhjen e çështjes së taksës së ujit, por njëkohësisht bën thirrje që kjo të bëhet ashtu që të mbrohet ky sektor i prodhimit vendor, si dhe interesat e përgjithëm të biznesve kosovare.
Oda Ekonomike e Kosovës vëren se „sektori i ambalazhimit të ujit ballafaqohet me sfida të ndryshme, duke përfshirë paqartësitë ligjore dhe vonesat në zbatimin e politikave“ dhe shton se të gjitha këto kanë vështirësuar operimin e këtyre kompanive.
„Si institucion në shërbim të sektorit privat në Kosovë, ne inkurajojmë dialogun ndërmjet sektorit publik dhe privat. Në këtë rast, kërkojmë të bëhen të qarta çështjet dhe informacionet për shumën e borxhit të pretenduar si dhe pasqyrimin e situates reale, por edhe mbrojtjen e bizneseve nga dëmtime“, apelon OEK.
