Në këtë takim, ku morën pjesë:
- Kryetari i OEK, z. Lulzim Rafuna
- Udhëheqësi i Bordit të ZRrE-së, z. Ymer Fejzullahu
- Përfaqësues të bizneseve të Republikës së Kosovës
Diskutuam mbi zhvillimet e fundit në sektorin e energjisë, me fokus të veçantë në njoftimin e Zyrës së Rregullatorit të Energjisë (ZRrE) për hapjen e tregut të energjisë elektrike. Ky takim pati për qëllim informimin e bizneseve mbi ndryshimet e reja, ndikimin e tyre në operacionet dhe kostot e bizneseve, si dhe mundësitë që ofron tregu i energjisë.
Komuniteti i biznesit si sfidë kryesore e kishte afatin e shkurtër për kalimin në treg të hapur, sidomos sektori i prodhimit.
Ky takim ishte një mundësi e shkëlqyer për të kuptuar më thellë zhvillimet dhe për të diskutuar shqetësimet e bizneseve lidhur me zhvillimet e fundit në këtë sektor.
Falenderojmë udhëheqësin e Bordit të ZRrE-së z. Ymer Fejzullahu për gatishmërinë për t’u përgjigjur në të gjitha pyetjet e bizneseve të pranishme në takim.
