Në sesionin e dytë të WB6-EU Business Platform në Bruksel, të udhëhequr nga Kryetari i Odës Ekonomike të Kosovës, z. Lulzim Rafuna, po marrin pjesë edhe biznese nga Kosova.

Diskutimet janë fokusuar në çështje kyçe për zhvillimin e sektorit privat, duke përfshirë:

Tregtinë e mallrave dhe shërbimeve – sfidat dhe mundësitë për integrimin më të mirë rajonal dhe europian;

Qasjen në financa dhe investime – mekanizmat për të përmirësuar financimin e bizneseve dhe tërheqjen e investimeve;

Tranzicionin e gjelbër dhe digjitalizimin – rrugët për një ekonomi më të qëndrueshme dhe inovative.

Kjo platformë ofron një mundësi të rëndësishme për bizneset nga Ballkani Perëndimor që të ndajnë përvoja, të krijojnë rrjete bashkëpunimi dhe të kontribuojnë në forcimin e bashkëpunimit ekonomik me Bashkimin Europian.