Kryetari i Odës Ekonomike të Kosovës, Lulzim Rafuna, në cilësinë e Kryetarit të Bordit Menaxhues të Forumit Investiv të Odave Ekonomike të Ballkanit Perëndimor (WB6 CIF), mori pjesë në konferencën e organizuar në kuadër të Suppliers Balkan Expo “SUBEX”.
Gjatë fjalimit të tij, Kryetari Rafuna theksoi domosdoshmërinë e bashkëpunimit rajonal për të rritur konkurrencën dhe për të krijuar mundësi të reja për integrimin e bizneseve të rajonit në tregjet globale.
Kjo konferencë shërbeu si platformë për ndërmarrësit nga i gjithë rajoni për të shkëmbyer përvoja, krijuar partneritete të reja dhe për të forcuar rrjetëzimin për zhvillimin e qëndrueshëm ekonomik.
