Kryetari Rafuna vizitoi kompaninë anëtare “APETIT”, me ç’rast pati mundësinë e diskutimit me pronarin e kompanisë për sfidat e fundit që u janë paraqitur.
Pronari i kompanisë z. Arben Ferizi e prezantoi kryetarin Rafuna me hapësirat e kompanisë dhe procesin e punës që realizohet aty.
Kryetari Rafuna u shpreh mirënjohës për pritjen dhe prezantimin e kompanisë dhe uroi që kompania t’i tejkalojë vështirësitë sa më parë dhe me ndihmën e organeve kompetente, e vërteta të triumfojë.