Ky Memorandum u nënshkrua nga Lulzim Rafuna, Kryetar i Odës Ekonomike të Kosovës, dhe Prof. Dr. Agron Bajraktari, Rektor i Universitetit të Shkencave të Aplikuara në Ferizaj. Partneriteti do të fokusohet në zhvillimin e sektorëve të:

a) Dizajnit dhe Teknologjisë së Drurit,

b) Turizmit dhe Ambientit, dhe

c) Menaxhimit, Inxhinierisë dhe Informatikës.

Kryetari Rafuna tha: “Është mahnitëse çfarë pashë këtu dhe është detyra jonë që të bashkojmë forcat dhe të përkrahim bizneset tona duke trajnuar dhe certifikuar fuqinë punëtore“.

Ne do të punojmë së bashku në projekte kombëtare dhe ndërkombëtare, duke ofruar trajnime dhe certifikime që do të avancojnë ndërlidhjen akademike dhe profesionale. Ky bashkëpunim synon të mbështesë zhvillimin ekonomik dhe të hapë më shumë mundësi për komunitetin tonë.