Sot, Kryetari i Odës Ekonomike të Kosovës, Lulzim Rafuna, ka realizuar një vizitë zyrtare në kompaninë Fluidi Group në Gjilan, ku është mirëpritur nga z. Mustafa si pronar i kompanisë.

Gjatë vizitës, Kryetari Rafuna dhe z. Mustafa diskutuan për sfidat në sektorin e industrisë së perpunimit të vajit si dhe atë të ambalazhimit të ujit në Kosovë, duke shkëmbyer ide dhe mundësitë për adresimin e këtyre sfidave tek institucionet relevante.

Kryetari Rafuna shprehu gatishmërinë e Odës Ekonomike të Kosovës për të ofruar mbështetje dhe ndihmë për kompanitë në këta sektorë, duke synuar përmirësimin e kushteve të biznesit dhe krijimin e mundësive të reja për zhvillim ekonomik.