Oda Ekonomike e Kosovës njofton se që nga viti 2021, përmes Fondi Rajonal i Sfidave (RCF) dhe Fondi i Sfidës së Kosovës (KCF), janë realizuar investime të rëndësishme në arsimin dhe aftësimin profesional në vend.

Deri më tani kanë përfituar gjithsej 28 shkolla profesionale (VET), publike dhe private, në partneritet me rreth 110 kompani, me një vlerë të përgjithshme mbi 12.2 milionë euro.

• KCF: 12 projekte, 12 shkolla – investime rreth 4.9 milionë € (2 thirrje të përfunduara)
  • RCF: 16 projekte, 16 shkolla – investime rreth 7.3 milionë € (3 thirrje të realizuara). Aktualisht, 17 projekte janë në fazën e dytë të aplikimit në thirrjen e katërt.

🎯 Qëllimi i këtyre projekteve është rritja e konkurrueshmërisë së qëndrueshme të bizneseve dhe përgatitja e të rinjve me aftësi praktike që kërkohen në tregun e punës, duke kontribuar në integrimin e Kosovës në tregun e përbashkët evropian.

RCF është një iniciativë e ndërmarrë nga Qeveria Gjermane (BMZ), me financim prej 64.43 milionë €, të bashkëfinancuar edhe nga Qeveria Zvicerane (SDC) me 9.7 milionë CHF. Zbatimi bëhet nga Banka Gjermane për Zhvillim – KfW dhe Forumi i Investimeve i Odave të Ballkanit Perëndimor 6 (WB6-CIF), i cili aktualisht udhëhiqet nga z. Lulzim Rafuna, President i Odës Ekonomike të Kosovës.