Kryetari i Odës Ekonomike të Kosovës, Lulzim Rafuna, mori sot pjesë në hapjen e Akademisë “Euromeral”, e dedikuar për trajnimin profesional të të rinjve në fushën e saldimit. Ky është një hap i rëndësishëm për avancimin e fuqisë punëtore në Kosovë dhe për përgatitjen e kuadrove të reja në një sektor që është në rritje të vazhdueshme, veçanërisht në fushën e eksportit.
Kjo iniciativë pritet të kontribuojë drejtpërdrejt në zhvillimin e industrisë së metaleve, rritjen e kapaciteteve konkurruese dhe fuqizimin e perspektivës ekonomike të vendit.
Oda Ekonomike e Kosovës përgëzon kompaninë për këtë investim me rëndësi strategjike dhe i uron suksese në realizimin e objektivave, duke theksuar se të tilla iniciativa janë shembull i qartë i angazhimit për zhvillim të qëndrueshëm ekonomik dhe krijim të mundësive të reja për të rinjtë.
