Kryetari i Odës Ekonomike të Kosovës, Lulzim Rafuna, zhvilloi një vizitë në shtëpinë e modës “Albina Dyla” e cila përfaqëson një nga historitë më të suksesshme të industrisë kreative të vendit.
Gjatë vizitës, Kryetari Rafuna u njoh nga afër me procesin e dizajnimit, qepjes dhe krijimit të koleksioneve që kanë bërë të njohur këtë brand në mbarë botën.
Kryetari Rafuna u informua gjithashtu mbi sfidat me të cilat përballet industria e modës në Kosovë, duke vlerësuar punën e palodhshme dhe kreativitetin e ekipit të “Albina Dyla” me faktin se ky brand ka arritur të shndërrohet në një eksportues të rëndësishëm, duke promovuar Kosovën në tregjet ndërkombëtare përmes produkteve me cilësi dhe dizajn unik.
