Kryetari i Odës Ekonomike të Kosovës, z. Lulzim Rafuna, po merr pjesë në Asamblenë Vjetore të Asociacionit të Odave të Ballkanit (ABC) në Podgoricë, takim i organizuar nga Oda Ekonomike e Malit të Zi dhe nën presidencën malazeze të asociacionit.

Ky aktivitet ka mbledhur liderët e odave anëtare nga I gjithë Ballkani dhe përqendrohet tek zhvillimi ekonomik rajonal, bashkëpunimi ndërkufitar dhe inovacioni. Një pikë e veçantë e asamblesë është paneli mbi “Aplikimin e Inteligjencës Artificiale në Biznes”, duke treguar orientimin e komunitetit të biznesit rajonal drejt teknologjive të reja.

Pjesëmarrja e OEK, përmes kryetarit z. Rafuna, dëshmon përkushtimin e Kosovës në forcimin e lidhjeve ekonomike rajonale.