Kryetari i Odës Ekonomike të Kosovës, Lulzim Rafuna, dhe Kryetari i Odës Ekonomike të Maltës, William Spiteri Bailey, mbajtën një takim online për të diskutuar forcimin e lidhjeve ekonomike.

Takimi i mbështetur nga Ambasadorja e Maltës në Republikën e Kosovës, Dr. Juliana Scerri Ferrante, theksoi bashkëpunimin e suksesshëm mes dy vendeve dhe mundësitë që kanë vendet tona.

Të dy kryetarët shprehën gatishmërinë për të thelluar bashkëpunimin dhe për të organizuar forum biznesi dhe B2B qoftë në Maltë apo Kosovë, në të ardhmen e afërt. Qëllimi është të krijohen mundësi të reja për rritje dhe prosperitet për të dyja vendet.