Kryetari i Odës Ekonomike të Kosovës, Lulzim Rafuna, është pritur në takim nga kryetari i Bordit të Dhomës së Tregtisë dhe Industrisë Kosovë, Skender Krasniqi, si dhe drejtori ekzekutiv, Kushtrim Ahmeti.
Gjatë takimit, u diskutua mbi sfidat me të cilat po përballet sektori privat në Kosovë dhe u shpreh shqetësimi i përbashkët për gjendjen aktuale të bizneseve në vend.
Palët u pajtuan për të intensifikuar bashkëpunimin, me qëllim që komuniteti i biznesit të përfaqësohet sa më fuqishëm dhe sfidat e tyre të adresohen me efikasitet më të madh.
Oda Ekonomike e Kosovës mbetet e përkushtuar në mbrojtjen e interesave të bizneseve dhe fuqizimin e partneriteteve strategjike që kontribuojnë në zhvillimin e qëndrueshëm ekonomik të vendit.
