Më 27 tetor 2025, Kryetari i Odës Ekonomike të Kosovës (OEK), z. Lulzim Rafuna, priti në takim përfaqësuesit e Shoqatës së Transportit të Mallrave të Kosovës. Takimi u fokusua në bashkëpunimin dhe ngritjen e zërit të transportuesve si dhe në adresimin e çështjeve kyçe që ndikojnë në sektor.

Gjatë takimit, u diskutuan mundësitë për bashkëpunim efektiv përmes Odës Ekonomike, me qëllim krijimin e hapësirave ku sektorët privatë mund të bashkëpunojnë dhe të ndikojnë në vendimmarrje strategjike.

Kryetari Rafuna theksoi se OEK mbetet e përkushtuar në mbrojtjen e interesave të bizneseve anëtare, duke siguruar që zëri i tyre të dëgjohet dhe të ketë ndikim në politikat dhe vendimet që prekin zhvillimin ekonomik të vendit.