Në ambientet e Odës Ekonomike të Kosovës, më 2 shtator 2025, u zhvillua një takim pune me biznese nga sektori i transportit të mallrave, ku mori pjesë edhe Kryetari i Odës, z. Lulzim Rafuna.

Pjesëmarrësit parashtruan shqetësimet e tyre lidhur me procesin e transportit të mallrave, duke evidentuar sfidat dhe vështirësitë që hasin në këtë sektor. Kryetari i OEK, z. Rafuna, theksoi gatishmërinë e Odës për t’i adresuar problemet në bashkëpunim me bizneset anëtare.

Në përfundim të takimit, u dakordua që hapi i ardhshëm të jetë themelimi i një shoqate brenda strukturës së Odës Ekonomike të Kosovës, e cila do të ofrojë një adresë të qartë për trajtimin e çështjeve dhe nevojave të bizneseve të transportit të mallrave.

Ky takim reflekton angazhimin e Odës Ekonomike të Kosovës për të mbështetur bizneset dhe për të krijuar një mjedis më të favorshëm për zhvillim dhe bashkëpunim në sektorin e transportit të mallrave.