Kryetari i Odës Ekonomike të Kosovës dhe Kryetar i Bordit Drejtues të Forumit Investiv të Odave të Ballkanit Perëndimor (WB6 CIF), z. Lulzim Rafuna, po merr pjesë në Forumin Strategjik të Odave Ekonomike Abu Dhabi–Ballkan, i shoqëruar nga përfaqësues të WB6 CIF.

Ky forum ka për qëllim fuqizimin e marrëdhënieve ekonomike mes Ballkanit Perëndimor dhe Lindjes së Mesme, duke krijuar mundësi të reja për tregti dhe investime.

Hapat e ardhshëm të parashikuar janë nënshkrimi i një Memorandumi të Mirëkuptimit dhe organizimi i një konference financiare që do të lehtësojë investimet dhe partneritetet mes bizneseve të dy rajoneve.

Oda Ekonomike e Kosovës mbetet e përkushtuar në zgjerimin e horizonteve për bizneset kosovare, duke i ofruar atyre qasje në tregje të reja dhe mundësi bashkëpunimi ndërkombëtar.