Oda Ekonomike e Kosovës ka përmbyllur me sukses Grupin e 8-të të Trajnimit Profesional për Forex, një program që synon zhvillimin e aftësive praktike dhe njohurive të thelluara në fushën e tregtimit financiar.

Gjatë këtij trajnimi intensiv, pjesëmarrësit patën mundësinë të avancojnë nga bazat e tregtimit në Forex deri te strategjitë e analizës së tregut dhe menaxhimit të rrezikut, duke përfituar udhëzime profesionale nga trajnerë me përvojë të gjerë.

Pas përfundimit të trajnimit, kandidatët do të vazhdojnë për pesë muaj praktikë në platformën Discord, ku do të zhvillojnë më tej aftësitë e tyre përmes praktikës dhe këshillave të vazhdueshme nga ekspertët e fushës.

Oda Ekonomike e Kosovës falënderon të gjithë pjesëmarrësit për angazhimin, besimin dhe vlerësimet pozitive ndaj këtij programi.

Në vazhdimësi, OEK mbetet e përkushtuar të ofrojë programe cilësore të aftësimit profesional, që ndihmojnë individët të përgatiten më mirë për kërkesat e tregut modern të punës dhe të tregtimit financiar.