Oda Ekonomike e Kosovës, në bashkëpunim të ngushtë me Këshillin Mbikëqyrës për Licencimin e Vlerësuesve të Pronave të Paluajtshme, ka kënaqësinë të njoftojë organizimin e trajnimit profesional për vlerësuesit e pronave të paluajtshme.

Pas një periudhe të gjatë mungese, OEK, si institucion i akredituar nga Autoriteti Kombëtar i Kualifikimeve, ofron këtë program thelbësor trajnimi, i cili ofron njohuri dhe përgatitje të avancuar profesionale. Përfundimi me sukses i këtij trajnimi është parakusht i domosdoshëm për pajisjen me licencë nga Këshilli Mbikëqyrës.

Oda Ekonomike e Kosovës falënderon Këshillin Mbikëqyrës për bashkëpunimin dhe mbështetjen e çmuar profesionale në realizimin e këtij programi të rëndësishëm për tregun e pronave të paluajtshme.