Në kuadër të Forumit Ekonomik që po mbahet në Abu Dhabi, delegacioni i Odës Ekonomike të Kosovës, i kryesuar nga Kryetari z. Lulzim Rafuna, zhvilloi takime të rëndësishme me partnerë strategjikë në Emiratet e Bashkuara Arabe, përfshirë Odën Ekonomike të Abu Dabit, Zyrën për Investime të Abu Dabit dhe Bankën Zhvillimore të Emirateve.

Në këtë kuadër, Kryetari Rafuna dhe Kryetari i Odës Ekonomike të Abu Dabit, z. Mohamed Helal Al Marzooki, ranë dakord për organizimin e një misioni ekonomik të përqendruar, i cili do të promovojë mundësitë e investimeve në Kosovë për bizneset dhe investitorët nga Emiratet e Bashkuara Arabe.

Ky mision synon të krijojë ura të reja bashkëpunimi, të nxisë partneritete të qëndrueshme dhe të fuqizojë lidhjet ekonomike mes dy vendeve.