Më 27 tetor 2025, në ambientet e Odës Ekonomike të Kosovës (OEK), u zhvillua një takim bashkëpunues ndërmjet Kryetarit të OEK-ut, z. Lulzim Rafuna, dhe përfaqësuesve të Shoqatës së Bizneseve të Kosovës për Prokurim Publik.

Gjatë takimit, përfaqësuesit e shoqatës prezantuan aktivitetet dhe objektivat e tyre në fushën e prokurimit publik, duke theksuar rëndësinë e krijimit të një ambienti më transparent dhe më të drejtë për bizneset që marrin pjesë në proceset e prokurimit.

Nga ana tjetër, Oda Ekonomike e Kosovës shprehu gatishmërinë për të mbështetur dhe fuqizuar bashkëpunimin me shoqatën, me qëllim të përmirësimit të praktikave të prokurimit dhe avancimit të standardeve të qeverisjes së mirë në vend.

Në fjalën e tij, Kryetari Rafuna theksoi se Oda Ekonomike e Kosovës mbetet e përkushtuar në mbrojtjen e interesave të bizneseve anëtare dhe në krijimin e mundësive të reja për zhvillim ekonomik të qëndrueshëm, duke u angazhuar vazhdimisht për rritjen e transparencës dhe besueshmërisë në raportet ndërmjet sektorit publik dhe atij privat.

📸 Takimi u zhvillua në një atmosferë bashkëpunuese, ku të dy palët u pajtuan për vazhdimin e komunikimit dhe konkretizimin e hapave të përbashkët në periudhën në vijim.